Monday, June 23, 2014

ცოცხალი ისტორია

მინდა გიამბოთ ჩემი ისტორია. მეგობრის მეშვეობით მოვხვდი თქვენს ბლოგზე და საშუალება მომეცა ჩემი ‘’გულის ნადები’’გადმომეცა
ჩემი ინფიცირების ამბავი მესამე ბავშვზე ორსულობის დროს გავიგე,როცა ქალთა კონსულტაციაში მივედი აღრიცხვაზე.ეს ამბავი ჩემთვის იმდენად სტრესული და შოკისმომგვრელი იყო,რომ კარგა ხანს ვერ გამოვედი მდგომარეობიდან.ამას დაერთო ისიც რო ჯერ კიდევ სამშობიაროში რამოდენიმეჯერ გავხდი დისკრიმინაციის მსხვერპლი გასაკვირია მაგრამ  ყველაზე დიდი უარყოფითი დამოკიდებულება სწორედ რომ სამედიცინო პერსონალიდან მოდიოდა ,მაგრამ უფალს მინდა მადლი შევწირო,რომ ჩემს გვერდით ბევრი კარგი ადამიანი აღმოჩნდა,რომლებიც დამეხმარნენ,დამეძლია ეს პრობლემა.პირველ რიგში ესაა დედაჩემი,რომელიც მუდმივად და დღემდე მამხნევებს და გვერდში მიდგას ძლიერ საყრდენად,ყველანაირად მეხმარება...შემდეგ-შიდსის ცენტრის ექიმები,რომელთა მეშვეობითაც ჩემი მესამე შვილი ჯანმრეთელი დაიბადა...შემდეგ-მეგობრები,ახლობლები,ამავდროულად გავიცანი სხვა აივ-პოზიტიური ადამიანებიც და მივხვდი,მათი შემყურე,რომ ცხოვრება ჩვეულებრივ უნდა გამეგრძელებინა...საშინლად განვიცდიდი პირველი ორი შვილის ჯანმრთელობის მდგომარეობას,სანამ გავიგებდი,რომ ისინიც ჯანმრთელები იყვნენ.
დღეს უკვე ჩვეული ცხოვრებით ვცხოვრობ.იმ წყენამ და ტკივილმაც გამიარა,რომელიც თავიდან ჩემი მეუღლის მიმართ მქონდა.პერიოდულად ვიტარებთ პროფილაქტიკურ გამოკვლევებს და რაც ჩვენი ქვეყნის ეკონომიკური სიდუხჭირის პირობებში მთავარია-ვიმყოფებით უფასო მკურნალობაზე..არ გვაწუხებს ჯანმრთელობის სერიოზული პრობლემები,სამსახურიც დავიწყე და სახლიდან რომ გამოვედი,უფრო გამიადვილდა ყველაფერი...ახლა ერთადერთი,რასაც ველოდებით,ესაა იმედი,რომ სულ უახლოეს წლებში გამოვა აივ-ინფექციის განკურნების საბოლოო საშუალება და ეს პრობლემა დაძლეული იქნება საბოლოოდ.
ძალიან მიხარია,რომ მოვხვდი ამ ბლოგზე.იმედი მაქვს,ბევრ მეგობარს შევიძენ თქვენი დახმარებით.გისურვებთ ყველას წარმატებებს... 



აივ პოზიტიურთა  საადვოკაციო გჯუფის წევრი (PAPA - პოზიტიური დამოკიდებულება,პოზიტიური ქცევა )

                                                                                                                     

ცოცხალი ისტორია

გამარჯობა,მეგობრებო!

თქვენი ბლოგის საშუალებით მეც შევძლებ,გიამბოთ ჩემი ამბავი. აივ-ინფიცირებული ვარ.ჩემი დიაგნოზი სულ შემთხვევით გავიგე დაახლოებით რვა თვის უკან,როცა სხვა მიზეზის გამო მომიხდა კომპლექსური გამოკვლევების ჩატარება...ეს დიაგნოზი ჩემთვის ნამდვილი შოკი იყო...რამოდენიმე წუთი ისტერიულად ვიცინოდი,ვერ გავიაზრე რა ხდებოდა ჩემს თავს..შემდეგ თანდათან დავმშვიდდი,რადგან შიდსის ცენტრში ძალიან თბილად მიმიღეს.გამიწიეს სრულყოფილი კონსულტაცია,ფსიქოლოგსაც გავესაუბრე და დღეს უკვე აღარ მაშინებს ჩემი დაავადება,რადგან ვიცი,რომ სადღეისოდ არსებული მკურნალობის წყალობით ჩემს ჯანმრთელობას და სიცოცხლეს საფრთხე არ დაემუქრება.
ამასობაში,ღმერთის და ექიმების მადლით ალბათ გამოვა სამკურნალო საშუალება,რომელიც მოახდენს ვირუსის საბოლოო ერადიკაციას ორგანიზმიდან.
მეორე რთული მომენტი ის იყო,რომ ჩემი პარტნიორისთვის აუცილებლად უნდა მეთქვა ჩემი დიაგნოზის ამბავი.მართალი გითხრათ,ფსიქოლოგიურად არცთუ ისე იოლი აღმოჩნდა,მაგრამ ესეც გადავლახე.სამწუხაროდ,ისიც პოზიტიური აღმოჩნდა...დასაწყისში მანაც ცოტა ინერვიულა ამაზე,მაგრამ დღეს უკვე ერთად ვიტარებთ მკურნალობის კურსს,ერთმანეთს ჩვენს განცდებს ვუზიარებთ უფრო გულახდილად და ვეხმარებით ერთურთს.დიახ,რაც არ უნდა გასაკვირი იყოს,ამ დაავადებამ თითქოს უფრო დაგვაახლოვა ერთმანეთთან და გაამტკიცა ჩვენი კავშირი...ახლა უფრო მეტად ვჭირდებით ერთმანეთს...

ასე,რომ მეგობრებო,არ იდარდოთ არაფერზე,გაითვალისწინეთ და შეასრულეთ ზედმიწევნით ექიმის რეკომენდაციები,მიენდეთ უფალს და ყველაფერი კარგად იქნება...


დათო .დ 

ცოცხალი ისტორია

გამარჯობა!
მე აივ-ინფიცირებული ვარ.ძალიან მომეწონა თქვენი ბლოგი,შემთხვევით მოვხვდი აქ და გამიხარდა,რომ არსებობს .თქვენი მეშვეობით მაქვს იმის საშუალება,რომ ბევრ ‘’ჩემნაირს’’დავეკონტაქტო და დავუახლოვდე.
მინდა,გიამბოთ ჩემი ისტორია,რომელიც ვფიქრობ,რომ სტიმული იქნება ბევრი თქვენთაგანისთვის.
2002 წელს გავთხოვდი.მაშინ სამედიცინო უნივერსიტეტის მეხუთე კურსის სტუდენტი ვიყავი.ჩემი შეყვარებული(ამჟამად ჩემი მეუღლე)აივ-პოზიტიური გახლდათ და მე ეს მასთან შეუღლებამდე ვიცოდი.ჩემს განათლებას ხაზი იმიტომ გავუსვი,რომ ჩვეულებრივი მოქალაქეებისგან განსხვავებით,კარგად მქონდა გააზრებული მომავალი ‘’საშიშროება’’,რადგან იმ წლებში ჯერ კიდევ არ იყო აივ-ინფექციის მკურნალობა ასე პროგრესული და შედეგიანი,არც ამდენი სამკურნალო საშუალება არსებობდა და მითუმეტეს- მკურნალობის უფასო პროგრამა.
ჩვენი სიყვარული იმდენად ძლიერი იყო,რომ ამ დაავადებაზე არც ‘’გვიფიქრია’’ სულის ჩაღრმავებამდე..დღეს უკვე 12 წლის ლამაზი,სიყვარულით ნაშენები ოჯახი გვაქვს,სიყვარულით,რომელმაც ‘’სიკვდილის შიშს’’სძლია...გვყავს ორი ჯანმრთელი შვილი.ჩვენ უკვე მკურნალობის უფასო პროგრამაში ვართ ჩართულნი და ეს დაავადებაც,უფლის წყალობით,არანაირად არ გვახსენებს თავს.
მე მინდა,მოგმართოთ თქვენ,რომ ცხოვრებაში არსებობს ძალიან ფასეული ღირებულებები,როგორიცაა სიყვარული და ოჯახი,და რაც მთავარია სიცოცხლის დაუოკებელი წყურვილი და აუცილებლად უფლის რწმენა და ლოცვა.ილოცეთ,ჩემო მეგობრებო წრფელი გულით,ღმერთს სთხოვეთ თქვენი ჯანმრთელობა,სიცოცხლე,სიყვარული და განა სხვა რამ არის ამაზე მეტი ბედნიერება?მინდა,გისურვოთ,რომ არასდროს დაგეკარგოთ უფლის და მომავლის იმედი,და ნახავთ,თუნდაც ჩემი მაგალითიდან გამომდინარე,რომ ყველაფერი კარგად იქნება...
გისურვებთ წარმატებებს....


  აივ პოზიტიურთა საადვოკაციო გჯუფის წევრი (PAPA - პოზიტიური დამოკიდებულება ,პოზიტიური ქცევა)